Verdee維迪竹地板 - 導賞專題：「真地板？假地板？」

好多朋友成日都問：你哋嘅竹地板喺邊度做㗎？

全世界最好嘅竹地板梗係中國做啦！但係中國好大、有好多工廠做緊唔同嘅嘢，亦都有好多唔同品牌、唔同嘅生產線各自咁製作緊自己嘅產品；每一片嘅竹地板都需要經過嚴謹嘅製作程序，除咗物料嘅選材有分級數，例如係ABCD啦，好似實木地板咁；採用唔同嘅程序：使用唔同嘅油漆、膠水、唔同級數嘅機器，唔同嘅溫度、同埋製作時間、都會大大影響產品嘅質素。

淘寶都有啦？點解要同你買？

我哋成日都話有好多工廠，其實做緊地板，唔知自己做緊乜㗎喎！例如華強北都有各式各樣嘅高仿蘋果產品，價錢仲可能爭咗二百倍

所以竹地板都有好多假貨㗎，例如唔係經過標準嘅工序處理，產品會散開，生蟲、發黑、爆裂、變形（當然安裝單位漏水浸水，就屬於唔尋常嘅情況啦）假嘅竹地板，過去十幾二十年都一直喺市場存在；不過認識竹地板嘅朋友唔係咁多，好多朋友講起地板都淨係識得實木地板。

咁你哋有做過咩工程呢？

近年完成咗比較多人認識嘅有M+藝術館，西九龍法院調解中心；竹地板一來因為環保、二來相對於實木地板更加耐用美觀，相對瓷磚同埋膠地板（石塑地板之類），提供到溫暖實在嘅質感。

買咗假地板即係點樣？

案例一：有一位年輕人好着急，搵咗我哋好多次，話屋企嘅地板發黑、仲越嚟越嚴重。

原來佢好用心咁幫佢媽媽完成咗屋企嘅裝修，亦都按照老人家嘅吩咐用咗竹地板；可是套地板唔知喺邊度買的，越用越黑，佢媽媽就好唔開心，所以佢好想我哋幫手解決佢嘅問題。

不過，唔同嘅地板，本身嘅厚度同埋板型都唔一樣；我哋只能夠建議佢全套地板拆走，最後慳咗材料嘅錢都係得不償失

發黑原因：竹材處理不當，物料濕度過高，之後啲濕氣慢慢就喺地板中心發霉發黑……

案例二：有個設計師打電話嚟問，點解竹地板會生蟲？

我同佢講，我哋做咗十幾廿年，從來冇發生過呢個情況喎